जाग्रेब, क्रोएसिया
डिसेम्बर 23
क्रिसमसको अवसर पारेर यही डिसेम्बर २५ तारिखका दिन क्रोएसियाको राजधानी जाग्रेब स्थित नेसनल युनिभर्सिटी सेस्भेन्तेमा निश्चल बस्नेत निर्देशित चलचित्र दिमाग खराब प्रदर्शनमा आउने भएको छ । दहयाङ राई ,खगेन्द्र लामिछाने,स्वस्तिमा खड्का,अर्पण थापा लगायत कलाकारको अभिनय रहेको चलचित्र क्रोएसियाको लागि काठमाडौँ मार्टले प्रदर्शन गर्न लागेको हो।
यसअघि पनि जारी चलचित्र प्रदर्शन गरिसकेको उक्त टिमले यसपटक भने दर्शकलाई पहिलाको भन्दा ठूलो पर्दामा चलचित्र देखाउने दाबी गरेको छ। क्रोएसियाको लागि १० युरोको टिकट रेट रहेको दिमाग खराब चलचित्रको टिकट काठमाडौँ मार्टमा खरिद गर्न सकिनेछ। पहिलो सो ११:१५ ,दोस्रो सो २ बजे र अन्तिम सो ४:३० गरी तीन चरणमा चलचित्र प्रदर्शन हुने छ। साथै काठमाडौँ मार्टमा टिकट खरिद गर्न छुटेका दर्शकहरूको लागि चलचित्र प्रदर्शन स्थान नेसनल युनिभर्सिटी सेस्भेन्तेमा टिकट उपलब्ध हुने जानकारी मार्टका सञ्चालक कमल मान गुरुङ ले युरो सञ्चार लाई जानकारी दिएका छन्।
भर्खरै सञ्चालनमा आएको आप्पा होस्टेलले डिसेम्बर २५ तारिखदेखि अन्तिम डिसेम्बर 31 सम्म एक रातको बसाइमा टिकटको अर्धकट्टीको साथमा जाने दर्शकलाई एक पटकको लागि ३०% छुट दिने जानकारी आप्पा होस्टेलका सञ्चालक दावा लामाले जानकारी दिएका छन्।
त्यस्तै काठमाडौँ मार्टले पनि टिकटको अर्धकट्टीको साथमा जाने दर्शकका लागि सामान खरिदमा एक पटकको लागि १०% छुट दिने जानकारी दिएको छ। उक्त छुटको लाभ २०२४ अन्तिम जनवरी सम्म लिन सकिने छ।
काठमाडौँ मार्टको आयोजनामा प्रदर्शन हुने ‘दिमाग खराब’ नेपाली चलचित्रमा ” युरो सञ्चार र सरगम मिडिया” मिडिया पार्टनर रहेका छन्।
एभरेस्ट मो;मो, ID GLOBAL travel , हिमालयन होस्टेल, हिमालयन करि, विष्णु होस्टेल,Appa Company D.O.O. समर्थित रहेका छन्।
नेपालमा भव्य प्रदर्शन र सफल भएको चलचित्र दिमाग खराब युरोपका विभिन्न देशहरूमा प्रदर्शन भइरहेको छ।
